Shiv Hoon – Shakti bhi

Shiv hoon main, Shakti bhi hoon,

ArdhaNareesh hoon , aur Bhakti bhi.

Sampoorna hoon, Nirgun bhi hoon,

Annapoorna hoon, aur Maya bhi.

Kartavya hoon, Parinaam hoon,

Main Gyaan hoon, Jigyasa bhi.

Satya main , Mithya bhi hoon ,

Main ‘bhram’ hoon, ‘ParaBramha’ bhi.

Andhkaar main, Jyotir bhi hoon,

Aatma bhi main , Chidanand bhi.

Tasva main, aur Tatva bhi,

Karma mai , aur Dharma bhi.

Ek boond hoon, Bramhand bhi,

Soham hoon main, Sarvatt bhi.

Main hi Rachna, Main Rachaita,

Main hi tum hoon, Tum hi main.

Bhola hoon main, Tapasvi bhi,

Shiv hoon main, aur Shakti bhi.

Love & Light -🙏🏻✨Khyati Rajput🙏🏻✨